Nos hendenan den spòtlait

Haf di Kòrsou


Mistica Cicilia


August Neuman

Awe ta den spòtlait Mistica Cicilia , konosí komo Mimi. Komo empleado di Curaçao Ports Authorities (CPA), Mimi ta responsabel pa planifiká i kordiná e tráfiko di barkunan ku ta drenta i sali nos haf. Pa dia tin un promedio di 20 barku ta drenta o sali haf, esta barku tankero, barku di karga i krusero. Mimi ta responsabel tambe pa Bullenbaai, Caracasbaai i Fuikbaai (unda ta karga piedra i semènt pa Boneiru i St. Maarten).

E planifikashon di haf nos por kompar’é ku planifikashon di avionnan ku ta subi i baha na aeropuerto. Tur dia ta traha un lista di yegada i salida di tur barku. E lista aki ta wòrdu publiká riba e wèpsait di CPA i e ta disponibel pa Isla, Dok, agensianan di barku, ship shandlers, Curoil, etc. Un grupo grandi ta haña e lista akí tambe via di e-mail.

August Neuman su funshon ta havenverkeer medewerker, es desir ku e ta regulá tráfiko marítimo.

E kantor di Mimi i August ta situá den e toren di kontròl ariba na Fort Nassau.

Hopi di nos ainda ta kòrda ku tur mèrdia den notisia lokal na radio Hoyer nan tabata pasa kuantu barku a drenta i sali e dia ei.