Un kuenta pa mucha
Djan
Djan tabatin di bai Punda, el a pidi Weku su subrina bin tira bista den kunuku p’e, pa kabritu i baka no drenta kome tur maishi ku el a planta. E mucha a sali bai hunga sin sera porta di kurá drechi, kabritu a drenta kome tur maishi.
E di:
‘Bè, Bè, pakí’ Bè a kome inshi
inshi n’ di mi, inshi di Djan
Djan bini Djan ta rabia.’
Kabritu di:
‘Wèl, ata mi mondongo.’
Weku a kana ku mondongo di kabritu den man te el a yega na un riu. Mes ora Weku a disidí di laba e mondongo. Den esei, ata riu a lastra mondongo bai kuné.
E di:
‘Liu, Liu, pakí’ Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Riu a di ku Weku:
‘Ata akí, mi ta dunabu dos saldinchi.’
Weku a kana, kana te el a bin topa un konfó ku kandela i mesora el a tira su dos saldinchinan den kandela pa nan hasa. Den un fregá di wowo saldinchinan a kima.
E di:
‘Fo, Fo, pakí Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Konfó a duna Weku pida kandela. Djis un ratu despues el a topa un wela bieu ku pipa den boka. E wela di: ‘Mi yu, bo por fiami bo kandela?’
Weku a fia wela kandela pa sende pipa, ata, kandela a paga.
E di:
‘Wela, Wela, pakí’ Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Pa konsuelo wela a duna Weku un klòmp’i suku. E mucha a sigui kana, suku a dirti den su man i asina el a habri man, suku a kai den tera. Mesora a sali poko vruminga, kome tur suku.
E di:
‘Minga, Minga, pakí’ Minga a kome chuku
chuku n’ di mi, chuku di Wela
Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Vruminga no tabatin nada pa duna, p’esei el a pidi bientu manda un regalo pa Weku. A supla un bientu duru, trese hopi tapushi di maishi pa Weku. Ai, bon kontentu Weku a kuminsá kana, p’e bai hiba maishi pa Djan.
Na kaminda el a topa Koma Baka ta keha masha hamber. Weku a duna Koma Baka un tapushi di maishi, ma Koma Baka a kome tur tapushi i no a sobra nada pa hiba pa Djan. Weku a bira masha ferdrit.
E di:
‘Bu, Bu, pakí’ Bu a kome inshi di bentu
bentu n’ di mi, bentu di Minga,
Minga a kome chuku
chuku n’ di mi, chuku di Wela
Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
E baka di:
‘Laga Djan rabia numa. Ta na pida-pida Djan ta bai bendemi. Wèl, no tin mesté di maishi mas.’
Alafin, alafan, kuenta a kaba.
Mickey Hart
Na galòp
Willemstad, Kòrsou 1998
ISBN: 99904-0-251-5
Djan tabatin di bai Punda, el a pidi Weku su subrina bin tira bista den kunuku p’e, pa kabritu i baka no drenta kome tur maishi ku el a planta. E mucha a sali bai hunga sin sera porta di kurá drechi, kabritu a drenta kome tur maishi.
E di:
‘Bè, Bè, pakí’ Bè a kome inshi
inshi n’ di mi, inshi di Djan
Djan bini Djan ta rabia.’
Kabritu di:
‘Wèl, ata mi mondongo.’
Weku a kana ku mondongo di kabritu den man te el a yega na un riu. Mes ora Weku a disidí di laba e mondongo. Den esei, ata riu a lastra mondongo bai kuné.
E di:
‘Liu, Liu, pakí’ Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Riu a di ku Weku:
‘Ata akí, mi ta dunabu dos saldinchi.’
Weku a kana, kana te el a bin topa un konfó ku kandela i mesora el a tira su dos saldinchinan den kandela pa nan hasa. Den un fregá di wowo saldinchinan a kima.
E di:
‘Fo, Fo, pakí Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Konfó a duna Weku pida kandela. Djis un ratu despues el a topa un wela bieu ku pipa den boka. E wela di: ‘Mi yu, bo por fiami bo kandela?’
Weku a fia wela kandela pa sende pipa, ata, kandela a paga.
E di:
‘Wela, Wela, pakí’ Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Pa konsuelo wela a duna Weku un klòmp’i suku. E mucha a sigui kana, suku a dirti den su man i asina el a habri man, suku a kai den tera. Mesora a sali poko vruminga, kome tur suku.
E di:
‘Minga, Minga, pakí’ Minga a kome chuku
chuku n’ di mi, chuku di Wela
Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
Vruminga no tabatin nada pa duna, p’esei el a pidi bientu manda un regalo pa Weku. A supla un bientu duru, trese hopi tapushi di maishi pa Weku. Ai, bon kontentu Weku a kuminsá kana, p’e bai hiba maishi pa Djan.
Na kaminda el a topa Koma Baka ta keha masha hamber. Weku a duna Koma Baka un tapushi di maishi, ma Koma Baka a kome tur tapushi i no a sobra nada pa hiba pa Djan. Weku a bira masha ferdrit.
E di:
‘Bu, Bu, pakí’ Bu a kome inshi di bentu
bentu n’ di mi, bentu di Minga,
Minga a kome chuku
chuku n’ di mi, chuku di Wela
Wela a paga dela
dela n’ di mi, dela di Fo
Fo a kima dinchi
dinchi n’ di mi, dinchi di Liu
Liu a tuma dongo
dongo n’ di mi , dongo di Bè
Bè a kome inshi
inshi n’ di mi, inshi di Djan.
Djan bini Djan ta rabia.’
E baka di:
‘Laga Djan rabia numa. Ta na pida-pida Djan ta bai bendemi. Wèl, no tin mesté di maishi mas.’
Alafin, alafan, kuenta a kaba.
Mickey Hart
Na galòp
Willemstad, Kòrsou 1998
ISBN: 99904-0-251-5
posted by Roy Evers at 6:40 PM
0 comments:
Post a Comment
<< Home