Ku ki kara

Ku ki kara
lo mi splika mi yunan
ku m’a poteká nan identidat
no pa dòria dòsplaka
sino pa euro, tantu bal.

Ku ki kara
lo mi konta mi grandinan
stroba nan den nan trankilidat
ku nan lucha largu i sagrado
den pitu a frakasá.

Ku ki kara
lo mi bisa mi namorada
ku mi a bende nos dignidat
mainta mi a sklama: nos patria!
atardi mi a baha karson.

Ku ki kara
lo mi wak mi mes kara
den e spil ku ta papia bèrdat
ku plaka no por kumpra
e ta bisa kosnan manera nan ta.

Kompader