Den kibrá di mainta

Den kibrá di mainta
ora kriki stò’i kanta
trupial i chuchubi
tuma su lugá

Den kibrá di mainta
di krem kant’i otro
ora ‘i lanta mi suku
tenemi un ratu mas

Den kibrá di mainta
m’a bringa ku mundu
den ñapa di soño
spièrta sofoká

Den kibrá di mainta
e stoma ta pidi
pan kayente mi dushi
ai mi stima mi shon

Den kibrá di mainta
un yuchi ta yora
a pon’é riba mundu
sin splikele dikon

Den kibrá di mainta
mi ta kanta un kantika
mi ta skirbi un poema
pa gradisí Señor


Kompader