Shi Kanina

Shi Kanin’e Rosaminta
Pal’i hembra den su tempu,
Tin doló di kurason.

Shi Kanin’a raza mundu
Tra’i sehú ku den tarai
I si b’a hera tuzji Shi Kanina
E ta kanga saja chalala-bo.

Ata Shi Kanina ku su kara bon na papijot
Ta sinta pipita rosario, tene pi’e krus.

Si bo weta Shi Kanina nabega den plaj’e misa
Ai, su romp’i saja ta bencha-bo
Maske kon su stansj’a pasjima.

Hal’un banda lagu’e traka
Su bohoti den SU banki.
Est’un djindja sofoka
Den su transja di pasjan.

Hanch’i punda, bo’n ta korda
Shi Kanina su stripada?
Kon su antrenan sa balia
Riba ritmo di Kanina su jangá?

Ten Shi Kanina ta’t’un sèngènè
Su mala lenga ta korta-bo
Belenkia-bo te na werki
Ku t’ordensia lo bo jora

I awor su kakunbein chumbá
Ta bati bau di su nanisji tampanjá
Un akt’i konstrinjon ku tres rosario
Pa tur buch’i ponchi di su hubentud

Shi Kanin’e Rosaminta
Pal’i hembra den su tempu
Ta restiá di belenkia,
Shishi bida. Ai, dan waka.
Shi Kanina tin doló di kurason.

Pierre Lauffer
Simadan, Aruba, 1961

(Uitgereikt tijdens de lezing van Dr. Henry Habibe op zaterdag 9 september 2006, in de aula van de Universiteit van de Nederlandse Antillen.)