e i mi alma

sintá rib’ un baranka na kost'i Banda`Bou
dilanti mi ta pasa un bark'i bela bieu
ku riba dje un presu i su doño pa kuid’é
ora nan yega tera prison e lo hib’é

m'a kohe un barku grandi pa bai rumbo nan tras ora m'a yega serka ya el a bai kuné mi n' por a pensa nunka ku e tambe ta keré mi n’ por a pensa nunka ku e tambe ta stim’é

mi ker a yam’é mi ker a bisé
e presu ku e tin esei ta mi alma e ta
mi ker a yam’é pa mi pidié
e presu ku e tin lag’é den libertat

a pasa hopi tempu m'a bolbe bai busk’é
m'a haña nan ta kana man tené
m'a komprondé mes ora, einan e mes ke ta mi n’ por a hasi nada di bai lagele atras

ku awa na mi wowo i un kurpa marchitá
riba un kaminda largu mi ta bai
señor mi ta rogabo dun’é su trankilidat
lokual mi no tin mas fo'i dia ku el a bai

su doño e no ta, m'a komprobá
e ta stim’é di henter su kurason
mi ker a yam’é, mi ker a pidié
e alma pèrdí pa nunka e bandon’é

Tunina