Gobièrnu a kai atrobe

Wa Warawara a kaba di saboriá
un desayuno delisioso
dos webu di yuana pasá na awa
pone su potoshinan kla
pa bai goberná,
ken ta bati na su porta?
Shon Ki Kinikini
kontrinkante polítiko
pero sosio den koalishon.
Wa kai bo sinta trankil numa
nos por bai bèk kaminda nos a sali
gobièrnu ta suela abou,
Kachó a wou Koma Kalakuna
Koma a rabia hincha manera un djindja
bis’é e bai wou su pareunan
den mondi di yerba ‘i hole.
Wèl Shon Ki
esei ta nos destino
gobièrnu ta mas na suela
ku e ta riba pia
lastra manera kolebra
awor si e ora a yega
pa Fefe Bon Komportashon
pone òrdu!

Kompader