Gobernashon (kontinuashon)

Apénas Wa a kenta su nèshi
meditá kon traha un tutu
pa den un gobièrnu nobo
tene Shon Ki afó,
hablando del diablo
Shon Ki a bati na porta
hanshá sin por papia
su bos sin rosea
un sorpresa pa Wa.
Wa, mi tin bon notisia
gobièrnu a resusitá atrobe
malu malu no ta morto
kachó a sera un pakto ku pushi
nan a tuma pueblo hasi
bati bo ala ban goberná.
Wèl Shon Ki, na nòmber di tur para
laga nos ban purba un biaha mas
mi wela lo a bisa mi
ta kos di barika yen.

Kompader