Gobernashon

Wa Warawara ilustre
diputado di algun asuntu
pa Partido Pober Para
a sali den kibrá di mainta
promé ku solo kinipí wowo
pa bai goberná.
Na kaminda pa palasio
a dal den Shon Ki Kinikini
diputado di sobrá asuntu
kontrinkante di naturalesa
pero sosio den koalishon
den direkshon kontrali
rumbo pa kas.
Wa, bo por bolbe pa bo nèshi
ya tur kos a kaba atrobe
gobièrnu a basha ‘bou
kachó a kome for di tayó di pushi
hamber a gruña den nan barika
interes propio a prevalesé.
Wèl Shon Ki, no tin moda di hasi
si ta esaki ta nos destino
mi wela semper a bisa mi
ku hamber bo no por goberná.

Kompader