HAIKU

Haiku ta un forma di poesia di orígen hapones. E ta konsistí di solamente tres verso. E promé verso tin sinku sílaba, e di dos tin shete i e di tres tin sinku sílaba tambe. Pues den e espasio limitá di dieshete sílaba, e poeta mester ekspresá su sentimentu- i pensamentunan.

E limitashon pisá aki por duna e poema un ekspresividat enorme i un trankilidat tremendo. Pero e tin e peliger di bira artifisial fásilmente, pasobra e poeta por hañ’é obligá di skonde un sílaba akinan i hinka un ayanan, sin esaki ta kontribuí na e poema su forsa.
E haiku por simplemente deskribí naturalesa, òf ekspresá un sabiduria òf un sentimentu...

...Na papiamentu, ta Elis Juliana a, i te ainda ta praktiká haiku, ku maestria:


For di un taki
gota di sanger ta lèk.
Para herida.

(Naturalesa, J.M.)


Mi silueta
a kuminsá ta blikia.
Bayendo mi ta.

(Emoshon: preokupashon ku morto, J.M.)


Pa chansa dos bieu
ta felisitá otro
hopi aña mas.

(Pensamentu riba morto, J.M.)


For di:
Lus riba djamanta (p. 158-159)
Jules Marchena