mi kurpa

kurpa, kas di espíritu i alma
ounke mi no a neglishábu
mi no a komprondé bo balor

bunita manera bo tabata
sin un ploi i den bo flor
nunka mi mes a atmirábu
pensando ku esei no ta por

awe, despues di kasi 70 aña
mi ta para dilanti spil, bailando
gradisiendobo ku te ainda
bo ta kompañámi den mi kaminda
den tur bo grandesa I splendor

un poko otro, pero ku e mes un vigor
ku semper b’a demostrámi
i ku ta permitimi sinti bida
kore den tur mi benanan

Diana Márquez