Dikon

Dikon?

Pasó sekura ta dura muchu?
Pasó bientu ta supla di pabou?
Pasó laman tambe a seka?
Pasó baka a hoga na pos?

P’esei?

P’esei nos ta laga nan disidí numa.
P’esei nos ta hisa nos bela bai.
P’esei nos ta lastra na rudia.
P’esei nos ta lembe den nan atras.

Anto?

Anto kiko a para di nos orguyo?
Anto kiko a para di nos dignidat?
Anto kiko lo para di nos baranka?
Anto... anto nos no ta lucha mas?

Dikon?


Kompader