Un opinion

Aki ta papia Wan Pueblo
mi tin un opinion
no ta mashá kos di gaba
djis un tiki atenshon.

Mi a tende aki aya
korigími si mi ta robes
tin papiá riba kaya
ku kos ta bai drecha un bes.

Tin un barku na kaminda
su master ta di oro bandera hulandes
na bordo yen di sak’i pinda
komedónan ta loko di nan kabes.

Ounke ku no ta mi asuntu
mi ta opiná humildemente
no mester parti ku riku so
pa nan tur no para bira mas riku.

Mi tin un mama stimá
su salú no ta duna mas
pa kana den igra di solo
bende kala i empaná.

Tambe un tio grandi
ku un pia ta kokochá
nan di ta ròm tin e malu
e pober mashá ten no ta bebe mas.

Kòrda riba nan tambe honesto votadó
maske ta dos pipita pa gaña pekador
awor ku esunnan ku a sali for di nos
a bai broma riba trono di komedó.

Un pregunta promé ku mi terminá
mi a tende un hulandes ta borotá
e barku na kaminda ta trese mas di nan
pa aki ratu bin manda riba nos lugá?

Kompader