Un tambú pa fin di aña

Kòrsou a pidi pa outonomia,
nan a bin ku kuratela.

Ta kiko falta Tela?
Dikon tin ku kura Tela?
Tela no falta nada.
Tela ta kla pa bai guera.

Kòrsou ke para riba su mes pia,
pero Kòrsou no tin mag di fia.

Kòrsou ta blo bashí.
Bashí no tin tou.
Kòrsou dobla warda.
Ta Hulanda ta manda.

Nan a disolvé Antia,
laga Kòrsou k’ e pesadia.

Promé ta tin Pèktòl.
A kore k’ e klèptòl.
Despues a bin Nikolai.
Di panchi den kandela, kompai.

Kòrsou a keda tur bruá,
ki dia ta bin aklarashon?

Un bòl ‘i hilu bruá.
Un aros mal bruá.
Santa Klara klara nos.
San Kandelaria guia nos.

Kompader