Rima pa mucha

Bo konosé Shon Fil?
Shon Fil di Sherasil
a kore bùs sin spil
polis a dun’é patamobil

Anochi m’ a mira Mosa
Mosa di Santa Rosa
den serena ta gosa
henter dia el a tosa

Djaka ‘i kaña di Montaña
e hòmber a bai gaña
ku Ñaña a hòrta paña
pone un sansaña

Biriña di den Saliña
a bebe un bòtr’i biña
kokodè mané un galiña
spièrta tur bisiña

Bodjobo di Mundu Nobo
rondó mané un tobo
a hasi kos di bobo
bai karisiá un lobo

Nena di Marchena
a kibra tur kadena
lubidá tur pena
fretu mané un hiena

Mamai di Pietermaai
un mosa ku kaikai
ken ku mòrs ku papai
mañan lo yora malai

Jan Luik bibá na Fuik
makamba met een grote buik
aan de fles en aan de kruik
vindt altijd alles puik

Kompader