Chòler

chòler, sè, asina mi yama
komo si fuera mi n’ tin nòmber
komo si fuera mi n’ tin mama
ku ta stima su yu hòmber

e si sa ku mi yama Tuyo
kriá den kas mashá desente
un kas pober pero yen orguyo
Pai si nunka tabata presente

p’esei mi tin masha bèrgwensa
ora Mai pasa trese un sushi
sin papia mi ta tend’é pensa
ta kiko mi a hasibo, mi Tata dushi

awe mi ta hasi un promesa
mañan bagamunderia a kaba
mañan Tuyo lo mustra hombresa
awe ta mi último kachimba

Tuyo a kumpli, anochi den su soño
e kachimba a kima pareu ku su doño

Kompader