Ko’i kaweta
Den profundidat di bo kurason
I semper den bo pensamentu
A reina amor i prekupashon
Na unda ku bo ta, bo sentimentu
A keda pa bo patria lehano, dikon?
Kompader
I semper den bo pensamentu
A reina amor i prekupashon
Na unda ku bo ta, bo sentimentu
A keda pa bo patria lehano, dikon?
Kompader
posted by Roy Evers at 2:26 PM
2 comments:
mi tormento
den tur loke mi ta hasi
tur kaminda ku mi ta
semper, semper mi ta sinti
un bashí den mi padén
ku kuantu soño i speransa
mi a bula bai lagabu
pensando ku abo ya no tin
loke mi alma ta deseá
awa di wowo no a yené
ni sikiera aliviá
e doló tan inmenso
ku den e bashí a oumentá
den mi simplesa mi a pensa
ku bo skochi ta chikí
lubidando ku mi lombrishi
ei pa semper ta derá
awe, den tur loke mi ta hasi
tur kaminda ku mi ta
semper, semper mi ta sinti
un bashí den mi padén
den bo skochi mi ke bolbe
serka serka di mi lombrishi
ai, mi isla tan kerí
warda un ratu riba mi
loke mi tin mi ta ofresebu
dibo, nada mas mi'n ke
k'un pedasitu di bo skochi
pa nunka mas mi bai lag'é
Diana Márquez
kon mi por a lubidé
ora mi tabata yora
mi konswelo tabata é
pia bou mi por a kana
awa tibia, santu blanku
den kurá den bientu fresku
e mucha chikí a belenkiá
rond mundu mi por a biaha
pero nunka m'a lubidá
Post a Comment
<< Home