Pakiko?

Pakiko pura, ansha, sofoká,
hasi molèster pa nos kaba
k’ un asuntu ku lo por warda
te aki ratu o hasta te mayan

Pakiko skucha, deliberá, koperá,
si ta kontrinkante polítiko nos ta,
gana voto ta na promé lugá
i despues kisas ta goberná

Pakiko parti ku un primu
ku ta sin pariba, sin pabou,
si nos ta paga impuesto na tempu,
gobièrnu tin ku hasi su trabou

Pakiko preokupá ku ningun futuro,
si nunka nos mester a yora malai
i si akaso tempu bira fututu,
ainda nos por hisa nos bela bai

Pakiko, bèrdè?

Kompader