Hulandes

(Shon Ki Kinikini i Wa Warawara na telefon)

Telefon ta rin.
‘Hallo, u spreekt met meneer Kie.’
‘Shon Ki, ki falta? Bo kabes tambe a suta?’
‘Atá, Wa, t’abo? Mi a mira e number di Fòrti, mi a pensa ku mester ta un Hulandes.’
‘Awèl, ta p’esei mi ta yamabo. Nan a manda tur hende kas. T’ami so a keda.’
‘Bo fam ta Arend, p’esei. Nan lo a brua.’
‘Nan di: ga cactus planten. Kiko esei ke men?’
‘Bai planta kadushi.’
‘Kiko mi tin ku hasi, Shon Ki?’
‘Siña hulandes meskos ku mi. Mi ta na lès sinku. Ta bai hopi bon.’
‘Serka ken bo ta haña lès?’
‘Mi ta na Nationale Taleninstituut Zus & Zo.’
‘Shon Ki, bo ta kere ku nan ta tumami?’
‘Bo sa, Wa, ku e kabes di bo, mihó bo inskribí na Vormingscentrum Een Leven Lang.’

Kompader