EMOSHONAL

Si mi abri mi boka mi ta emoshonal.
Si mi bisa algu mi ta emoshonal.
Si mi lansa krítika konstruktivo mi ta emoshonal.
Si mi djis opservá algu mi ta emoshonal.

Si mi papia, lesa òf skirbi algu ku ta opuesto na di bo mi ta emoshonal.
Si mi duna mi opinion skèrpi i alkaso mi ta emoshonal.
Si mi sigui regla literalmente mi ta emoshonal.
Si mi bai kontra di koriente mi ta emoshonal.

Si ami tin rason i abo no mi ta emoshonal.
Si mi hasi kualke kos, bon òf malu mi ta emoshonal.
Si mi.................mi ta emoshonal.
Si mi.................mi ta emoshonal.

Boso konosé un HENDE sin emoshon?

Reginald V. Römer.
23/05/06