Viering 100 jaar ‘Atardi’

Honderd jaar geleden, precies op 27 september 1905, verscheen het bekendste gedicht uit de Papiamentstalige literatuur: ‘Atardi’, van Joseph Sickman Corsen. Het gedicht sloeg enorm aan vanwege het feit dat het in die tijd niet voor mogelijk werd gehouden dat er in deze taal poëzie geschreven kon worden...

(Zie Amigoe, vrijdag 2 september 2005)

Op zondag 25 september 2005, vindt er een viering plaats tijdens een literaire middag in het Bibliotheektheater in Rotterdam. De viering van het 100e jaar van de publicatie van ‘Atardi’ is een idee van Henry Habibe en Juan Heinsohn Huala.

Atardi

Ta pakiko mi no sa:
Ma esta tristu mi ta bira
Tur atardi ku mi mira
Solo baha den lamá!

Talbes ta un presintimentu.
O ta un recuerdo kisás;
Podisé n´ta nada mas
Ku un cos di temperamentu.

P’adilanti podisé
Mi ta mira na caminda
Un doló ku n’ nace ainda,
Ma ku lo mi conocé?

Tin kisás den mi memoria
Un doló masjá scondí
Masjá bieu, ku mi sintí
No por rebiba su istoria?

O talbes mi nervionan
Tin, sin causa, orror di Pretu,
I dje abismo skur i ketu
Meimei dj’awe ku majan?

Mi no sabi ki armonía
Ki secretu relasjon
Tini den mi curason
Ku cabamentu di un dia;

Ma spiritu di doló
Mi ta sinti kamna ku mi,
Ora Solo ta bai drumi
I é ta bisa: Te aworó!

Te aworó? Ma enter anochi!
Esta largu anochi ta!
Cuantu cos ku nos no sâ
E ta sconde den su scochi!

Te aworó? Ma te majan!
Hopi ora falta ainda;
Cuantu istoria na kaminda
Sin ku nos sabi di nan!…..

Promé Solo bolbé hari,
Tempu tin pa hopi kos;
I dios sâ cuantu di nos
Morto den dj’anochi a bari!

Causa mi doló no tin;
Ma esta tristu mi ta bira
Semper ku mi para mira
Dia jega na su fin!