Tambú

Sentro di 'Doktor' ta hopi orguyoso di a estrená ayera nochi, djabièrnè dia 10 di desèmber 2004, e tambú komponé speshalmente na okashon di konmemorashon di 50 aña Statüt. E tambú a haña e título “Awor si lo bai tin kambio” i ta komponé pa Norwin Caciano. E interpretashon ta den man di Aya i su grupo.

Pero esaki no ta e úniko tambú ku a keda presentá e anochi aki. Aya i su grupo a presentá dos piesa mas ku tin relashon ku nos situashon aktual, despues di 50 aña Statüt. Ademas Sentro di ‘Doktor’ a invitá grupo Trinchera pa presentá algun piesa apropiá. Pues e públiko presente ta tin sufisiente materia pa elaborá riba dje.
Nos ta hopi agradesido na señor Dominico (Don) Martina i señor Alvin Martina ku a pone nan mes disponibel pa entamá un diskushon ku públiko presente.

Ta na su lugá tambe pa gradisí tur esnan ku a yuda pa realisá e anochi aki, spesífikamente Kas di Kultura ku pa un parti a yuda nos kubri e gastunan.


Dr. Ir. Gilbert Cijntje RI
Program Director

Drs. Martha van Bergen
Program Manager Sentro di 'Doktor'


Alvin Martina i Don Martina