(Mal) Bon Intenshon
Atrobe nos ta den e temporada di aña ku hende ta hasi “bon intenshon”. Na hulandes e asina yamá goede voornemens. Personalmente mi no por wanta bon intenshon. Aun mas pa motibu ku den e palabra kasi ta insinuá ku lo bo no bai tene bo mes na nan. “Mi tin e intenshon di stòp di huma” ta zona por ehèmpel hopi otro for di “Mi ta òf a stòp di huma” òf mihó ainda “M’a stòp di huma pa restu di mi bida”. Pero los for di e kontenido ta prinsipalmente e forma ku ta robes. Mayoria hende no ta wòrdu motivá pa propósitonan manera ariba menshoná.
Banda di metanan konsiente hende tin metanan inkonsiente tambe. I tanten bo no haña e metanan inkonsiente aki tambe riba un liña bo metanan konsiente lo kambia masha poko. Pa e motibu ei mi ta papia di “(mal) bon intenshon”.
Sin embargo tin un manera tambe pa duna bo mes e oportunidat máksimo pa hasi e aña nobo un gran éksito, esta e poder di imaginashon.
Si bo ke pa 2007 bira un aña bunita pa bo, lo yuda pa di antemano bo imaginábu kon 2007 lo bai ta pa bo. Kuminsá na e final. Imaginábu ta selebrá aña nobo den fin di 2007. Kiko lo bo a realisá kaba? Personalmente lo mi kuminsá ku salú. Imaginábu si den fin di 2007 lo bo tabata mas salú: kon esei lo ta? Sigui ku amor. Si bo tin un bon pareha kaba, imaginábu kon haltu boso dos lo tin e yama di amor ta kima den fin di 2007. Si bo no tin pareha ainda, òf bo ta deseá un otro, imaginábu ku na fin di 2007 lo bo ta riba e kaminda pa topa unu. Sigui despues ku kada un di bo metanan personal.
Amplia e imágen aki agregando tur otro hende ku bo ta stima anto mira mehorashon den bo kas, bo relashon òf na trabou. Mas detayá bo imaginashon ta mas grandi e chèns pa bo logra ta bira.
Despues bo ta pensa kiko bo mester alkansá mei mei di aña pa bo realisá e imágen di fin di 2007. Imaginábu un biaha mas kon esaki lo ta.
Hasi e mesun ehersisio pero pa kuminsamentu di 2007: kiko tur mester kambia den kuminsamentu di 2007 pa realisá e imágen di mei mei di 2007.
Kiko mester sosodé medio febrüari 2007? Kiko na fin di yanüari?
Kiko lo bo por hasi den e promé siman di yanüari 2007 pa bo realisá e imágen di fin di aña 2007?
Ku otro palabra: loke bo mester hasi ta pensa kiko bo kier realisá na fin di aña anto despues bo ta traha bai bek na presente dor di kada bes dividí e tempu na dos i imaginábu kiko lo bo a realisá kaba.
Dor di visualisá esaki bo ta komuniká e mensahe na bo subkonsiente di manera ku lo bo dirigí bo mes, na un manera relahá i kasi outomátiko, den e aña benidero pa alkansá bo metanan.
Mi ta spera tambe ku, na fin di 2007, ora nos mira bek riba e periodo aki ku bo tin enbèrdat e salu, amor, kariño, trankilidat, pas mental i satisfakshon laboral ku bo a imaginábu awe.
Pues na un manera relahá, pero ku forsa i siguransa bo por kuminsá deskubrí kuantu plaser i sentido di humor e aña aki lo trese pa bo.
Mi ta deseábu de lo mehor pa e aña nobo.
Imø_R@§§
Banda di metanan konsiente hende tin metanan inkonsiente tambe. I tanten bo no haña e metanan inkonsiente aki tambe riba un liña bo metanan konsiente lo kambia masha poko. Pa e motibu ei mi ta papia di “(mal) bon intenshon”.
Sin embargo tin un manera tambe pa duna bo mes e oportunidat máksimo pa hasi e aña nobo un gran éksito, esta e poder di imaginashon.
Si bo ke pa 2007 bira un aña bunita pa bo, lo yuda pa di antemano bo imaginábu kon 2007 lo bai ta pa bo. Kuminsá na e final. Imaginábu ta selebrá aña nobo den fin di 2007. Kiko lo bo a realisá kaba? Personalmente lo mi kuminsá ku salú. Imaginábu si den fin di 2007 lo bo tabata mas salú: kon esei lo ta? Sigui ku amor. Si bo tin un bon pareha kaba, imaginábu kon haltu boso dos lo tin e yama di amor ta kima den fin di 2007. Si bo no tin pareha ainda, òf bo ta deseá un otro, imaginábu ku na fin di 2007 lo bo ta riba e kaminda pa topa unu. Sigui despues ku kada un di bo metanan personal.
Amplia e imágen aki agregando tur otro hende ku bo ta stima anto mira mehorashon den bo kas, bo relashon òf na trabou. Mas detayá bo imaginashon ta mas grandi e chèns pa bo logra ta bira.
Despues bo ta pensa kiko bo mester alkansá mei mei di aña pa bo realisá e imágen di fin di 2007. Imaginábu un biaha mas kon esaki lo ta.
Hasi e mesun ehersisio pero pa kuminsamentu di 2007: kiko tur mester kambia den kuminsamentu di 2007 pa realisá e imágen di mei mei di 2007.
Kiko mester sosodé medio febrüari 2007? Kiko na fin di yanüari?
Kiko lo bo por hasi den e promé siman di yanüari 2007 pa bo realisá e imágen di fin di aña 2007?
Ku otro palabra: loke bo mester hasi ta pensa kiko bo kier realisá na fin di aña anto despues bo ta traha bai bek na presente dor di kada bes dividí e tempu na dos i imaginábu kiko lo bo a realisá kaba.
Dor di visualisá esaki bo ta komuniká e mensahe na bo subkonsiente di manera ku lo bo dirigí bo mes, na un manera relahá i kasi outomátiko, den e aña benidero pa alkansá bo metanan.
Mi ta spera tambe ku, na fin di 2007, ora nos mira bek riba e periodo aki ku bo tin enbèrdat e salu, amor, kariño, trankilidat, pas mental i satisfakshon laboral ku bo a imaginábu awe.
Pues na un manera relahá, pero ku forsa i siguransa bo por kuminsá deskubrí kuantu plaser i sentido di humor e aña aki lo trese pa bo.
Mi ta deseábu de lo mehor pa e aña nobo.
Imø_R@§§
posted by Roy Evers at 10:35 AM
7 comments:
Hopi bon spliká, mi ta bai trese lokual bo a bisa den práktika! Tur kos bon pa bo tambe i otro aña, fin di 2007, nos tin ku evaluá kon leu nos a yega ku nos metanan!!
Hepa Imo ta bek! Bon skirbi. Danki pa tur bo bon konsehonan. No lubidá riba bo mes. Anto kòrda ku bo a keda di kaba e teksto pa mi promé ku fin dia aña 2006.
K@rel
Danki na bo tambe K@rel. Primintí ta debe. Check bo mail di ayera.
Tin diferensia entre intenshon, deseo, gana, voornemens ets. ets.?
Tur dia, (tur) hende tin algu ku e ke logra, sea lihe of despues di hopi ten. Ta "kustumber" ku na kuminsamentu di aña ta hasie mas.
Ma e "deseo/intenshon" tei, tur ora, tur dia, tur siman i tur luna, te bira aña, sino bida ta bashi.
Tambe tin ku bo "mal intenshon" por ta mi "bon intenshon" of no primita Imo. Sigui skirbi!!!!
Imo danki pa komparti bo pensamentunan ku mi. Mi ke desea abo i bo famia, amigu i amiganan un felis aña 2007 yen di bendishon.
Pa ami un bon intenshon ta haña sentido ora bo disidi di kambia e intenshon den akshon sino bo por bien skibié riba ijs. Ademas un pensamentu positivo no ta para e kosnan negativo ku ta tuma luga rondo di bo i stroba bo bon intenshon. Pues falta algu mas pa realisá bo meta i bo plan.
Meskos ku nos niun no tabata sa ku nos ta bai nanse ni ki dia, asina tambe nos no sa kiko ta bai pasa mañan (nos bon intenshonnan ten spijt). Pesei nos sa bisa otro "te mañan ku Dios ke". Pues ta Dios por ke, i pa e motibu aki ta bon pa nos pone nos plan, nos intenshon, dilanti di Dios pa Su aprobashon. Esaki ta e disishon ku ami a tuma pa loke ta trata mi intenshonnan.
Mi tin konfiansa ku E ta guiami den e kaminda korekto pa realisá mi plannan basta ku nan ta kuadra ku Su plan pa mi bida. Si akaso mi plan ta desviá for di Su plan pa mi bida, ku amor i kariño E ta guiami riba e kaminda korekto. Mi ta eksperensha esaki ya pa mas ku 5 aña kaba ku eksito.
Mi ke enkurashá bo pa enkorporá den bo pensamentunan positivo e boluntat di Dios pa bo bida i laga pa E ta bo vuurtoren.
Live God's dream for your life.
Blessings
Thyrone
Primita faborito, mi intenshon ta e tradukshon di voornemen: intenshon di logra un meta. Deseo i gana lo ta igual, dependiendo e pashon ku bo tin su tras: lo bo por tin gana di kome un eiskrim aworakí anto gana di wak un hende. Por lo demas, kada ken ta den e derecho di duna nifikashon na e intenshon.
Thyron, Importante ta pa bo tin un intenshon den bo bida esei ta si bo ta deseá. Si e no tuma lugá, lo bo no tabata kla pe òf lo bo mester traha na algu pa bo logr’é. Bo por hala e plaso ku bo a pone pa alkansá bo meta mas dilanti. Òf pone mas atenshon na realisa e meta i keda di focus. Abo a duna un toke di religion na bo intenshon. Kos ku nos ta lubidá di hasi vários biaha. Ami a lag'é habri pa kada ken mes yena e nifikashon pa nan mes. Great ku bo a reakshoná!
Post a Comment
<< Home