Konosé bo Isla 2006-01: Politiek

Partido Nashonal di Pueblo (PNP) a funda na aña 1948 pa Doktor Moises da Costa Gomez. Da Costa Gomez a kita for di e partido de Katholieke Volk Partij, ku e tabata haña muchu konservativo, pa kuminsá su propio partido NVP (ku awor aki ta yama PNP). NVP tabata boga pa outonomia den Reino Ulandes i tabata bringa pa derechi di voto general.
Te ku añanan 1970 PNP huntu ku DP tabata e partidonan mas importante den mundu polítiko di Antia i Kòrsou. For di kuminsamentu e partido tabata dirigí su mes riba e distritonan afó, esta Banda Riba i Banda Bou, miéntras ku DP tabata konsentrá su mes riba e imigrantenan i pueblo di stat.
PNP pa hopi aña tabata e gran ganadó di elekshonnan, pero hopi biaha DP tabata logra tene e partido for di gobièrnu dor di sera koalishonnan ku partidonan di mesun ideologia na e otro islanan di Antia.


Partido Demokrat (DP) a keda lantá na 1944 pa representantenan di diferente grupo, manera protestant, mulato i tambe hudiu. Ke men for di kuminsamentu DP no tabata un partido di un ke otro grupo. Nan tabata basa nan mes riba prinsipionan soshal-demókrata i tabatin komo puntonan prinsipal di akshon: derechi di voto general i realisashon di outonomia. Meskos ku otro gruponan, DP tambe tabata mira ku derechi di voto general lo a nifiká un chèns pa hasi nan base di poder mas grandi a base di votadónan katóliko. Esaki, apesar ku DP tabatin un orientashon no katóliko. Nan tabata lucha fuertemente pa kibra e distinshonnan polítiko a base di religion.
DP tabatin hopi éksito ku rekrutashon di hende bou di klasenan soshal-ekonómiko mas abou den stat, imigrantenan di otro islanan di Karibe i Sürnam.

Pregunta: Unda e partidonan PNP i DP tabata tin nan promé sede?

Vraag: Waar hadden den partijen PNP en DP hun eerste partijcentra?

Sluitingsdatum: zondag 5 februari 2006

Prijs: een cadeaubon van Boekhandel Mensing.

Sponsor: Datelnet n.v.

(Het inzenden van het antwoord op de prijsvraag gebeurt via e-mail:

revers@cura.net

of door een reply op de door U ontvangen mail van Learnforfun. De winnaar wordt door loting bepaald uit de goede inzendingen.)